‘നീ വെറും പെണ്ണാണ്’ എന്ന് പറയുന്നിടത്താണ് പ്രതിഷേധം’- എറണാകുളത്ത് നിന്ന് സ്ഥലം മാറ്റം ഉത്തരവ് വന്നതിന് പിന്നാലെ ളക്ടർ രേണുരാജ് ഫേസ്ബുക്കിൽ പോസ്റ്റ്

ലോക വനിതാ ദിനം ആശംസിച്ചുക്കൊണ്ട് ബുധനാഴ്ച വൈകുന്നേരം ഏഴുമണിക്ക് കളക്ടർ രേണുരാജ് ഫേസ്ബുക്കിൽ പോസ്റ്റ് ചെയ്ത പോസ്റ്റാണ് ഇപ്പോൾ ചർച്ചയായി മാറിയിരിക്കുന്നത്.എറണാകുളത്ത് നിന്ന് സ്ഥലം മാറ്റം ഉത്തരവ് വന്നതിന് പിന്നാലെയാണ് കളക്ടർ പോസ്റ്റിട്ടത്.

ഫേസ്ബുക് പോസ്റ്റ് ഇങ്ങനെ ആയിരുന്നു.

‘നീ പെണ്ണാണ് എന്ന് കേള്‍ക്കുന്നത് അഭിമാനമാണ്. ‘നീ വെറും പെണ്ണാണ്’ എന്ന് പറയുന്നിടത്താണ് പ്രതിഷേധം’

ഏഴ് മാസവും 12 ദിവസവും ജില്ലയെ നയിച്ച കളക്ടര്‍ രേണു രാജിന് അപ്രതീക്ഷിത സ്ഥലംമാറ്റം ലഭിച്ചത് ബുധനാഴ്ചയാണ്.ബ്രഹ്മപുരം മാലിന്യ പ്ലാന്റിലുണ്ടായ തീപിടിത്തത്തിലും തുടർന്നു നേരിട്ടുകൊണ്ടിരിക്കുന്ന വെല്ലുവിളികളിലും ജില്ലാ ഭരണകൂടം ബുദ്ധിമുട്ടുന്നതിനിടയിലാണ് കളക്ടറെ വയനാട്ടിലേക്ക് സ്ഥലം മാറ്റുന്നത്.

എന്നാൽ തീപിടിത്തത്തിൽ ജില്ലാ ഭരണകൂടത്തിന് വീഴ്ചപറ്റിയെന്ന് ആരോപണം ഉയർന്നിരുന്നു. കൂടാതെ സംഭവത്തിൽ സ്വമേധയ കേസെടുത്ത ഹൈക്കോടതി കളക്ടറെ രൂക്ഷമായി വിമര്‍‌ശിച്ചിരുന്നു. തീപ്പിടിത്തത്തില്‍ നിന്ന് കളക്ടര്‍ക്ക് ഒഴിഞ്ഞുമാറാനാകില്ലെന്നു പറഞ്ഞ ഹൈക്കോടതി രണ്ടുദിവസം കൊണ്ട് തീ നിയന്ത്രിക്കുമെന്നു പറഞ്ഞിരുന്നോ എന്ന് ആരാഞ്ഞത് ജില്ലാ ഭരണകൂടത്തെ വെട്ടിലാക്കി.

എന്‍.എസ്.കെ. ഉമേഷാണ് പുതിയ എറണാകുളം കളക്ടര്‍.