കോലഞ്ചേരി: കോലഞ്ചേരി സെന്റ് പീറ്റേഴ്സ് കോളേജിൽ പുതിയ പ്രിൻസിപ്പളായി ഡോ. ബിനുജ ജോസഫ് ചുമതലയേറ്റു. കോളേജിലെ ഇംഗ്ലീഷ് വിഭാഗം അസ്സോസ്സിയേറ്റ് പ്രൊഫസറായിരുന്നു. 30 വർഷം മുൻപ് അധ്യാപികയായാണ് ജോലിയിൽ പ്രവേശിച്ചത് . കഴിഞ്ഞ അറുപത് വർഷങ്ങൾക്ക് ശേഷം കോളേജിന് ലഭിയ്ക്കുന്ന വനിതാ പ്രിൻസിപ്പളാണ് ഡോ.ബിനുജ. പാലാ സ്വദേശിയായ ഡോ.ബിനുജ ഇപ്പോൾ കോലഞ്ചേരിയിലാണ് താമസിയ്ക്കുന്നത്. ഭർത്താവ് ജാക്ക് സ്ക്കറിയാസ്,മക്കൾ – ജോസഫ്, ആന്റണി.
കോളേ‍ജിന്റെ പുരോഗതിയ്ക്കും അക്കാദമിക സംസ്ക്കാരത്തിനും യോജിക്കുന്ന സേവനമാണ് തന്നിൽ നിക്ഷിപ്തമായിരിക്കുന്നതെന്ന് നിയുക്ത പ്രിൻസിപ്പാൾ പറഞ്ഞു.
അ‍ഞ്ച് വർഷം പ്രിൻസിപ്പളായി സേവനമനുഷ്ഠിച്ച ഡോ ഷാജു വർഗ്ഗീസ് വിരമിച്ചതോടെയാണ് ഡോ.ബിനുജ ജോസഫ് ചുമതലയേൽക്കുന്നത്.
