അവിശ്വാസികളുടെ സർവനാശത്തിനായി പ്രാർഥിക്കുമെന്ന് സുരേഷ് ഗോപി

ശിവരാത്രി ആഘോഷപരിപാടിയിൽ പങ്കെടുത്ത് സംസാരിക്കുമ്പോഴാണ് അവിശ്വാസികളുടെ സർവനാശത്തിനായി ശ്രീകോവിലിന് മുന്നിൽ പ്രാർഥിക്കുമെന്ന് സുരേഷ് ഗോപിയുടെ വിവാദ പരാമർശം.അവിശ്വാസികളോട് തനിക്ക് സ്നേഹമില്ലെന്നും വിശ്വാസികളുടെ അവകാശങ്ങളുടെ നേർക്ക് വരുന്നവരുടെ സർവനാശത്തിന് വേണ്ടി പ്രാർഥിക്കുമെന്നുമാണ് സുരേഷ് ഗോപി പ്രസംഗിക്കുന്നത്.ലോകമെങ്ങുമുള്ള വിശ്വാസികളായ മനുഷ്യരെ സ്നേഹിക്കുന്നുണ്ട്. അത് എല്ലാ മതത്തിലെയും വിശ്വാസികളെ സ്നേഹിക്കും. അതേ സമയം അവിശ്വാസികളോട് ഒട്ടും സ്നേഹമില്ലെന്ന് ചങ്കൂറ്റത്തോടെ പറയുമെന്നും സുരേഷ് ഗോപി പറഞ്ഞു. നിറഞ്ഞ കൈയടികളോടെയാണ് സുരേഷ് ഗോപിയുടെ വാക്കുകൾ സദസ് ഏറ്റുവാങ്ങുന്നത്.പ്രസംഗത്തിന്‍റെ വീഡിയോ ഇതിനോടകം സോഷ്യൽ മീഡിയയിൽ വൈറലാണ്.

‘വിശ്വാസികളുടെ അവകാശങ്ങളുടെ നേർക്ക് വരുന്ന ഒരു ശക്തിയോടും പൊറുക്കാനാകില്ല. അങ്ങനെ വരുന്നവരുടെ സർവനാശത്തിന് വേണ്ടി ഈ ശ്രീകോവിലിന് മുന്നിൽ പോയി നിന്ന് പ്രാർഥിക്കുമെന്നും സുരേഷ് ഗോപി പറഞ്ഞു.എല്ലാവരും അങ്ങനെ ചെയ്യണം.ആരെയും ഉപദ്രവിക്കാനല്ല ഭക്തി. എന്നാൽ ഭക്തിയെയും ഭക്തി സ്ഥാപനങ്ങളെയും നിന്ദിക്കാൻ വരുന്ന ഒരാൾ പോലും സമാധാനത്തോടെ നല്ല ജീവിതം ജീവിച്ച് ഈ ലോകത്ത് അവസാനിപ്പിക്കാൻ അന്തരീക്ഷം ഒരുങ്ങിക്കൂടാ.‘ – സുരേഷ് ഗോപി