മലങ്കര ഓർത്തഡോക്സ് സുറിയാനി സഭ കണ്ടനാട് വെസ്റ്റ് ഭദ്രാസന ദിനാഘോഷവും കുടുംബ സംഗമവും പുത്തൻകുരിശിൽ ആരംഭിച്ചു. ഭദ്രാസന ദിനത്തിന് മുന്നോടിയായി യുവജനപ്രസ്ഥാനത്തിന് നേതൃത്വത്തിൽ ഭദ്രാസന തലപ്പള്ളിയായ കണ്ടനാട് സെന്റ് മേരീസ് ഓർത്തഡോക്സ് കത്തീഡ്രലിൽ നിന്നും നാലാം മാർത്തോമ മലങ്കര മെത്രാപ്പോലീത്തയുടെ കബറിങ്കൽ നിന്ന് ആരംഭിച്ച വാഹനകൊടി ഘോഷയാത്ര ശനിയാഴ്ച വൈകിട്ട് 5 മണിക്ക് പുത്തൻകുരിശ് പള്ളി അങ്കണത്തിൽ ക്രമീകരിച്ചിരിക്കുന്ന പരി. ബസേലിയോസ് ഔഗേൻ പ്രഥമൻ നഗറിലെ കൊടിമരത്തിൽ മലങ്കര സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമാ മാത്യൂസ് തൃതീയൻ കാതോലിക്കാബാവ കൊടിയേറ്റ് കർമ്മം നിർവഹിച്ചു. കണ്ടനാട്, വരിക്കോലി കുറിഞ്ഞി, എന്നി ദേവാലയങ്ങളിൽ വാഹനകൊടി ഘോഷയാത്രയ്ക്ക് സ്വീകരണം നൽകി.ഭദ്രാസന ദിനാഘോഷങ്ങളുടെ ജനറൽ കൺവീനറും
ഭദ്രാസന സെക്രട്ടറിയുമായ റവ.ഫാ. ജോസ് തോമസ് പൂവത്തുങ്കൽ, വെരി.റവ. ഐസക്ക് മട്ടമേല്‍ കോർ എപ്പിസ്കോപ്പ, റവ.ഫാ ജേക്കബ് കുര്യൻ, റവ. ജിത്തു മാത്യു ഐക്കരക്കുന്നത്ത്, റവ. ഫാ. യാക്കോബ് തോമസ്, റവ. ഫാ.ജോൺ കുര്യാക്കോസ്, ഫാ. ഗിവർഗ്ഗിസ് ജോൺ, ഫാ.പോൾ മത്തായി, റവ.ഫാ. പോൾ ജോൺ കോനാട്ട്, റവ.ഫാ .ബെയ്സിൽ ജോർജ്, ഫാ.ജോബി അലക്സ്, ഫാ. അജയ് അലക് ,ഫാ. തോമസ് സാബു ,ഫാ.തോമസ് ബേബി,ഗ്ലാഡ്സൺ കെ.ചാക്കോ, സജീ വർക്കിച്ചൻ പാടത്ത്, അജു മാത്യു പുന്നയ്ക്കൽ ,പേൾ കണ്ണേത്ത്,എൽദോ ബേബി എന്നിവർ പ്രസംഗിച്ചു.
