ലഹരിയ്ക്കെതിരെ ക്യാമ്പയിനുമായി ലയൺസ് ക്ലബ്ബ്- ഷോട് ഫിലിം മത്സരം സംഘടിപ്പിക്കുന്നു

ലഹരിയ്ക്ക് അടിമപ്പെട്ട് ജീവിതത്തിലെ സൗഭാഗ്യങ്ങളെ നഷ്ടപ്പെടുത്തുന്ന യുവതലമുറകൾക്ക് ബോധവൽക്കരണ സന്ദേശവുമായി ആന്റി ഡ്ര​ഗ്സ് ക്യാമ്പയിനുമായി ലയൺസ് ക്ലബ്ബ്.ദുബായ് ആസ്ഥാനമായി കേരളത്തിലെ ലയൺസ് ഡിസ്ട്രിക്ട് 318B യുടെ കീഴിൽ പ്രവർത്തിക്കുന്ന പ്രവാസികളുടെ നേതൃത്വത്തിലുള്ള ലയൺസ് ക്ലബിന്റെ ആഭിമുഖ്യത്തിൽ തിരഞ്ഞെടുത്ത കോളേജുകളിലും, ഹൈസ്കൂളുകളിലും 6 മാസം നീണ്ടു നിൽക്കുന്ന വ്യത്യസ്തമായ രീതിയിലാണ് ആന്റി ഡ്രഗ്സ് ക്യാമ്പയിൻ നടത്തുന്നത്.

ഇന്നത്തെ നമ്മുടെ സമൂഹത്തിൽ യുവതലമുറ ഡ്രഗ്സ് എന്ന മാരക വിപത്തിന് അടിമകളായി ജീവിതത്തിലെ സൗഭാഗ്യങ്ങളെ നഷ്ടപ്പെടുത്തുന്നതോടൊപ്പം സാമൂഹിക ജീവിതത്തിൽ പ്രതിസന്ധികളും സൃഷ്ടിക്കുന്നു.
ഈ മഹാവിപത്തിനെതിരെ യുവ തലമുറയെ ഉണർത്തുന്നതിന് വേണ്ടി ദുബായ് ആസ്ഥാനമായി കേരളത്തിലെ ലയൺസ് ഡിസ്ട്രിക്ട് 318B യുടെ കീഴിൽ പ്രവർത്തിക്കുന്ന പ്രവാസികളുടെ നേതൃത്വത്തിലുള്ള ലയൺസ് ക്ലബിന്റെ (Model lions club of Adoor Emirates ) ആഭിമുഖ്യത്തിൽ കേരളത്തിലെ തിരഞ്ഞെടുത്ത കോളേജുകളിലും, ഹൈസ്കൂളുകളിലും Coloring the lives of Youth എന്ന പേരിൽ 6 മാസം നീണ്ടു നിൽക്കുന്ന ആന്റി ഡ്രഗ്സ് ക്യാമ്പയിൻ വ്യത്യസ്തമായ രീതിയിൽ നടത്തുവാൻ ആഗ്രഹിക്കുന്നു.

ഈ കാലയളവിൽ ഇതിന്റെ ഭാഗമായി പ്രശസ്ത സിനിമാ സംവിധായകൻ എം. എ.നിഷാദ് ജൂറി ചെയർമാനായി “No to Drug” തീമിൽ കോളേജ് സ്കൂൾ വിദ്യാർഥികൾക്കായി ഷോർട്ട് ഫിലിം മത്സരം, ഹാക്കത്തോൺ മത്സരം, വാക്കത്തോൺ , ഫ്ളാഷ് മോബ്, നോ ടു ഡ്രഗ്സ് തീമായുള്ള സ്പോർട്സ് മത്സരങ്ങൾ, കലാ മത്സരങ്ങൾ എന്നിവ നടത്തപ്പെടുന്നു.

ഈ പരിപാടിയുടെ സംസ്ഥാന തല ഉദ്ഘാടനം ഇക്കഴിഞ്ഞ ഡിസംബർ ഒന്നാം തീയതി കാഞ്ഞിരപ്പള്ളി അമൽജോതി എൻജിനീയറിംഗ് കോളജിൽ വച്ച് കേരള നിയമസഭ ഡെപ്യൂട്ടി സ്പീക്കർ ചിറ്റയം ഗോപകുമാർ ആന്റോ ആന്റണി എം പി, വേൾഡ് മലയാളി കൗൺസിൽഗ്ലോബൽ ചെയർമാൻ ജോണി കുരുവിള , ലയൺസ് ക്ലബ് ഡിസ്ട്രിക്ട് ഗവർണർ, ക്ലബ് ഭാരവാഹികൾ തുടങ്ങിയ വിശിഷ്ടാതിഥികളുടെ സാന്നിധ്യത്തിൽ നിർവ്വഹിച്ചു.

തുടർന്നുള്ള ഈ പരിപാടിയുടെ ഭാഗമായി എറണാകുളം ജില്ലയിലെ മറ്റക്കുഴി ഹാഗിയ സോഫിയ പബ്ളിക് സ്കൂളിൽ വച്ച് 2024 ജനുവരി 6 ന് കേരളത്തിലെ സ്ക്കൂൾ വിദ്യാർത്ഥികൾക്കായി ഫുട്ബോൾ ടൂർണമെന്റ് സംഘടിപ്പിക്കുന്നു. രാവിലെ 9 മണിക്ക് ബെന്നി ബഹനാൻ എം.പി. ഇന്ത്യൻ വോളിബോൾ താരം ശ്രീ. കിഷോർ കുമാർ, 318B ലയൺസ് ഡിസ്ട്രിക്ട് ഗവർണർ ലയൺ. ഡോ. ബിനോ ഐ കോശി, സോൺ ചെയർമാൻ വർഗീസ് പനക്കൽ എന്നിവരുടെ സാന്നിധ്യത്തിൽ മത്സരം ഉത്ഘാടനം ചെയ്യുന്നു. വൈകിട്ട് 4 മണിക്ക് സമാപന സമ്മേളനവും, ഡ്രഗ്സിനെതിരെയുള്ള പ്രതിജ്ഞയും, സമ്മാനദാനവും ഡോ തോമസ് മാർ അത്തനാസിയോസ് തിരുമേനിയുടെ അദ്ധ്യക്ഷതയിൽ എറണാകുളം ജില്ലാ പഞ്ചായത്ത് ആക്ടിംഗ് പ്രസിഡന്റ് സനിത ബീഗം നിർവ്വഹിക്കുന്നു.

ലയൺസ് മുൻ ഡിസ്ട്രിക്ട് ഗവർണർ ലയൺ. കെ. എ.തോമസ്, ലയൺസ് , പ്രോഗ്രാം കമ്മിറ്റി ചെയർമാൻ ലയൺ സി.യു.മത്തായി, ഡിസ്ട്രിക്ട് ആന്റി ഡ്രഗ്സ് ക്യാമ്പയിൻ ചെയർമാൻ ജയപ്രസാദ് എന്നിവർ പങ്കെടുക്കുന്നു.

കൂടാതെ ” നോ ടു ഡ്രഗ്സ്” എന്ന തീമിൽ ഒരു ലക്ഷം രൂപയും ശില്പവും പ്രശസ്തിപത്രവും ഒന്നാം സമ്മാനമായും , അൻപതിനായിരം രൂപയും ശില്പവും പ്രശസ്തിപത്രവും സമ്മാനമായി സ്കൂൾ കോളേജ് വിദ്യാർഥികൾക്കായി നടത്തപ്പെടുന്ന ഷോർട്ട് ഫിലിം ഫെസ്റ്റിവലിൽ പങ്കെടുക്കുവാൻ ആഗ്രഹിക്കുന്നവർ

കൂടുതൽ വിവരങ്ങൾക്കും രജിസ്ട്രേഷനുമായി adooremirates@gmail.com എന്ന വിലാസത്തിൽ ഈ മെയിൽ അയക്കുകയോ , +91 94460 63241 എന്ന നമ്പറിൽ ബന്ധപ്പെടുകയോ ചെയ്യുക.

പങ്കെടുക്കുന്നവർ രജിസ്റ്റർ ചെയ്യേണ്ട അവസാന തീയതി 15 മാർച്ച് 2024.