പട്ടിമറ്റം പി പി റോഡ് പുളിഞ്ചുവടിൽ പുതിയതായി ആരംഭിയ്ക്കുന്ന ജീയോ ബിപി പെട്രോൾ/ഡീസൽ പമ്പിന്റെ ഒദ്യോഗീക ഉദ്ഘാടനം വ്യാഴാഴ്ച ഉച്ചയ്ക്ക് 2 മണിയ്ക്ക് നടക്കും.കുന്നത്തുനാട് എംഎൽഎ പി വി ശ്രീനിജിൻ അധ്യക്ഷത വഹിക്കുന്ന ചടങ്ങിൽ ചാലക്കുടി എം പി ബെന്നി ബഹ്നാൻ ഉദ്ഘാടനകർമ്മം നിർവഹിക്കും. കൂടാതെ ബിസിനസ്സ്, രാഷ്ട്രീയ രംഗത്തെ പ്രമുഖ വ്യക്തിത്വങ്ങളും സാന്നിധ്യം വഹിക്കും.
ഉദ്ഘാടനത്തിന്റെ ഭാഗമായി വൻ ഓഫറുകളാണ് ഉപഭോക്താക്കൾക്കായി ജിയോ ഒരുക്കിയിരിക്കുന്നത്.ഉദ്ഘാടന ദിനമായ 29 വ്യാഴാഴ്ച്ച മുതൽ 31 -ാം തീയതി ശനിയാഴ്ച്ച വരെ പെട്രോളിനും ഡീസലിനും ഒരു രൂപ കിഴിവ് നൽകും.ഏറ്റവും ഗുണമേൻമയുള്ള ഇന്ധനവിതരണ ശ്രംഖലയുടെ ഈ ഓഫർ അപഭോക്താക്കൾക്ക് ഏറെ പ്രയോജനകരമാണെന്ന് ജിയോ ബിപി ടിം പറയുന്നു.
മറ്റ് ഡീസലുകളേക്കാൾ 4.3 ശതമാനം മെച്ചപ്പെട്ട ഇന്ധനക്ഷമത ഉറപ്പാക്കുന്നതിനാൽ ചരക്ക് ഗതാഗത വാഹനങ്ങൾക്ക് ആശ്രയിക്കാവുന്ന മികച്ച ഇന്ധനമാണിതെന്ന് ജിയോ-ബിപി അവകാശപ്പെടുന്നു. വൃത്തിയുള്ളതും വേഗതയേറിയതുമായ ഇന്ധനം നിറയ്ക്കുന്നതിന് സഹായിക്കുന്ന
ആന്റി-ഫോം ഏജന്റ് ഇതിൽ അടങ്ങിയട്ടുണ്ടെന്നും നിർമ്മാതാക്കൾ അവകാശപ്പെടുന്നു.
ഇന്ത്യൻ വിപണിയിൽതന്നെ ആദ്യമായി ലഭ്യമാക്കുന്ന മികച്ച ഇന്ധനങ്ങൾ അധിക തുക ഈടാക്കാതെ നിലവിലെ ഇന്ധനവിലയിൽതന്നെ ഇവിടെ ലഭ്യമാകും. കൂടാതെ കസ്റ്റമർ സർവ്വീസിന്റെ ഭാഗമായി,ട്രാൻസ്കണക്ട്,പ്രമുഖ ബ്രാന്റുകളുടെ എഞ്ചിൻ ഓയിലുകളുടെ വില്പന, ആധുനീക സംവിധാനത്തോടെയുള്ള വാഷ്റും സൗകര്യം, എയർഫില്ലിംഗ് എന്നിവ ഇവിടെ ഒരുക്കിയിരിക്കുന്നു.
.ജിയോ-ബിപിയുടെ ഔദ്യോഗീക ഡീലറായ എഎൽഎം മൊബിലിറ്റി സർവ്വീസാണ് പുതിയ സംരംഭത്തിന് തുടക്കം കുറിച്ചിരിക്കുന്നത്. പി പി റോഡ് പുളിഞ്ചുവടിൽ എഎൽഎം വെയ്ബ്രിഡ്ജിനോട് ചേർന്നാണ് പമ്പ് പ്രവർത്തനം ആരംഭിയ്ക്കുന്നത്.24 മണിക്കൂറും പമ്പ് തുറന്ന് പ്രവർത്തിക്കും
