ബെംഗളൂരു-മൈസൂരു എക്‌സ്‌പ്രസ് വേ- പ്രത്യേകതകൾ

പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത ബെംഗളൂരു – മൈസൂരു പത്തുവരി അതിവേഗപ്പാത, ബെംഗളൂരുവില്‍ നിന്ന് മൈസൂരുവിലേക്കുള്ള യാത്രാസമയം മൂന്നിലൊന്നായി കുറയ്ക്കും.കേരളത്തില്‍നിന്ന് ബെംഗളൂരുവിലേക്കും തിരിച്ചും യാത്രചെയ്യുന്നവര്‍ക്കും ഇത് വലിയ ആശ്വാസമാകും.

രണ്ട് നഗരങ്ങള്‍ക്കുമിടയിലുള്ള യാത്രാ സമയം 3.5 മണിക്കൂറില്‍ നിന്ന് 1.25 മണിക്കൂറായി കുറയ്ക്കും നിദഘട്ടയ്ക്കും മൈസൂരിനുമിടയില്‍ 61 കിലോമീറ്ററും ബെംഗളൂരുവിനും നിദാഘട്ടയ്‌ക്കുമിടയില്‍ 58 കിലോമീറ്ററും നീളത്തില്‍ രണ്ട് വ്യത്യസ്ത ഘട്ടങ്ങളിലായാണ് അതിവേഗ ഇടനാഴി നിര്‍മ്മിച്ചിരിക്കുന്നത്

എന്‍എച്ച്‌-275-ന്റെ ബെംഗളൂരു-നിദാഘട്ട-മൈസൂര്‍ ഭാഗത്തെ ആറുവരിയാക്കുന്നതാണ് പദ്ധതി8 കിലോമീറ്റര്‍ നീളമുള്ള എലിവേറ്റഡ് കോറിഡോറുകള്‍, 42 ചെറിയ പാലങ്ങള്‍, 64 അണ്ടര്‍പാസുകള്‍, 11 മേല്‍പ്പാലങ്ങള്‍, നാല് റോഡ്-ഓവര്‍-ബ്രിഡ്ജുകള്‍ (ROB-കള്‍), അഞ്ച് ബൈപാസുകള്‍ എന്നിവ ഈ ഹൈവേയില്‍ ഉണ്ട്

8,480 കോടി രൂപ ചെലവില്‍ വികസിപ്പിച്ചെടുത്ത 6-10 വരി പ്രവേശന നിയന്ത്രിത ഹൈവേയാണ് 118 കിലോമീറ്റര്‍ ബെംഗളുരു-മൈസൂര്‍ എക്സ്പ്രസ് വേ പദ്ധതി
ബെംഗളൂരുവിനും മൈസൂരുവിനും ഇടയിലുള്ള ഗതാഗതക്കുരുക്ക് കുറയ്ക്കാനും യാത്രാ സമയം മൂന്ന് മണിക്കൂറില്‍ നിന്ന് 75 മിനിറ്റായി കുറയ്ക്കാനും ലക്ഷ്യമിട്ട് നാഷണല്‍ ഹൈവേ അതോറിറ്റി ഓഫ് ഇന്ത്യ (എന്‍എച്ച്‌എഐ) ദിലീപ് ബില്‍ഡ്‌കോണിന് പദ്ധതി നല്‍കി.

ബെംഗളൂരുവില്‍നിന്ന് കേരളത്തിലേക്കും തിരിച്ചുമുള്ള മലയാളി യാത്രികര്‍ക്ക് അതിവേഗപാത ഏറെ ഗുണകരമാണ്. അതിവേഗപാതയിലൂടെ ബെംഗളൂരുവില്‍നിന്ന് വളരെ വേഗത്തില്‍ മൈസൂരുവരെ എത്താന്‍ സാധിക്കുമെന്നതിനാലാണിത്. നിലവില്‍, ബെംഗളൂരു മുതല്‍ മദ്ദൂരിലെ നിദാഘട്ട വരെയുള്ള ടോള്‍നിരക്ക് ദേശീയപാത അതോറിറ്റി പ്രഖ്യാപിച്ചിട്ടുണ്ട്. മാര്‍ച്ച്‌ 14 മുതല്‍ ടോള്‍പിരിവ് ആരംഭിക്കും. രണ്ടുതവണ ടോള്‍ നല്‍കണം. എങ്കിലും ഗതാഗതക്കുരുക്കില്ലാതെ യാത്ര ചെയ്യാന്‍ സാധിക്കുമെന്നതിനാല്‍ ഇന്ധനച്ചെലവില്‍ തുക ലാഭിക്കാനാകും.

ബെംഗളൂരുവില്‍ നിന്ന് പ്രശസ്‌ത ടൂറിസ്റ്റ് കേന്ദ്രങ്ങളിലേക്ക് ഉള്ള യാത്ര സമയം

ബെംഗളൂരുവില്‍ നിന്ന് കൂര്‍ഗിലേക്ക് 3.5 – 4 മണിക്കൂര്‍ (നേരത്തെ ഇത് 6 മണിക്കൂര്‍ ആയിരുന്നു)
ബെംഗളൂരുവില്‍ നിന്ന് കോഴിക്കോട്ടേക്ക് 5.5 മണിക്കൂര്‍ (നേരത്തെ ഇത് 8 മണിക്കൂര്‍ ആയിരുന്നു)
ബെംഗളൂരുവില്‍ നിന്ന് വയനാട്ടിലേക്ക് 4 മണിക്കൂര്‍ (നേരത്തെ ഇത് 6 മണിക്കൂര്‍ ആയിരുന്നു)
ബെംഗളൂരുവില്‍ നിന്ന് കണ്ണൂരിലേക്ക്: 5 മണിക്കൂര്‍ (നേരത്തെ ഇത് 7 മണിക്കൂര്‍ ആയിരുന്നു)
ബെംഗളൂരുവില്‍ നിന്ന് ബന്ദിപ്പൂരിലേക്ക്: 3.5 മണിക്കൂര്‍ (നേരത്തെ ഇത് 5.5 മണിക്കൂര്‍ ആയിരുന്നു)
ബെംഗളൂരുവില്‍ നിന്ന് നാഗരഹോളെയിലേക്ക്: 3 മണിക്കൂര്‍ ((നേരത്തെ ഇത് 5 മണിക്കൂര്‍ ആയിരുന്നു)