കോലഞ്ചേരി: യു.ഡി.എഫ്. മഴുവന്നൂർ പഞ്ചായത്ത് തല തെരഞ്ഞെടുപ്പ് കൺവെൻഷൻ നടന്നു. മംഗലത്തുനടയിൽ നടന്ന കൺവെൻഷൻ ബെന്നി ബഹനാൻ എം.പി. ഉദ്ഘാടനം ചെയ്തു. മണ്ഡലം പ്രസിഡന്റ് ജെയിൻ മാത്യു ആയിരുന്നു ചടങ്ങിൽ അധ്യക്ഷത വഹിച്ചത്.
കെ.പി.സി.സി. വൈസ് പ്രസിഡന്റ് അഡ്വ. ജെയ്സൺ ജോസഫ്, ഡി.സി.സി. ജനറൽ സെക്രട്ടറിമാരായ സി.പി. ജോയി, എം.ടി. ജോയി, ബ്ലോക്ക് പ്രസിഡന്റ് കെ.വി. എൽദൊ, സി.എം.പി. സംസ്ഥാന കമ്മിറ്റി അംഗം കെ.കെ. ചന്ദ്രൻ, മുസ്ലീം ലീഗ് പഞ്ചായത്ത് പ്രസിഡന്റ് സി.എം. അബ്ദുൾ ഖാദർ, കേരള കോൺഗ്രസ് നിയോജക മണ്ഡലം സെക്രട്ടറി വി.വി. സുഭാഷ് എന്നിവർ കൺവെൻഷനിൽ സംസാരിച്ചു.
കൂടാതെ, ഐരാപുരം മണ്ഡലം പ്രസിഡന്റ് എ.വി. ഏലിയാസ്, കെ. ത്യാഗരാജൻ, മാത്യു കുരുമോളത്ത്, എം.ടി. തങ്കച്ചൻ, ടി.ഒ. പീറ്റർ, എം.എസ്. ഭദ്രൻ, ജെയിംസ് പാറേക്കാട്ടിൽ, അരുൺ വാസു, അനു.ഇ. വർഗീസ്, സി.ആർ. വിജയൻ, ടി.യു. കുര്യാക്കോസ്, എൽദോ പോൾ, സാജു പോക്കാട്ട്, വി.ടി. ബേബി, സാജു പുന്നയ്ക്കൽ, എ.കെ. പൗലോസ്, ലോഹിതാക്ഷൻ നായർ, സന്തോഷ് മംഗലത്തുനട, ബാലാജി വീട്ടൂർ, ജേക്കബ്ബ്.പി. ജോൺ, കെ.എ. യൂസഫ്, ടി.എം. ജോയി, വി.പി. ആര്യ, നളിനി മോഹനൻ, രജിൻ രവി എന്നിവരും പ്രസംഗിച്ചു.
മഴുവന്നൂർ ഗ്രാമപഞ്ചായത്തിലേക്ക് മത്സരിക്കുന്ന 21 വാർഡ് സ്ഥാനാർത്ഥികളെയും, വടവുകോട് ബ്ലോക്ക് പഞ്ചായത്തിലെ മൂന്ന് ഡിവിഷനുകളിലേക്ക് മത്സരിക്കുന്ന സ്ഥാനാർത്ഥികളെയും യോഗത്തിൽ പ്രഖ്യാപിച്ചു.
