കോതമംഗലത്ത് നാല് മോഷ്ടാക്കൾ അറസ്റ്റിൽ. പായിപ്ര പാലോപാലത്തിങ്കൽ വീട്ടിൽ ഷാഹുൽ ഹമീദ് (22), പഴയിടത്ത് വീട്ടിൽ അൽത്താഫ് (21), കീരാംപാറ ഊഞ്ഞാപ്പാറ പൂത്തൻ പുരയ്ക്കൽ വീട്ടിൽ ബേസിൽ (27), പുത്തൻപുരയ്ക്കൽ വീട്ടിൽ അപ്പു (26) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്. ഇതര സംസ്ഥാനക്കാരുടെ വർക്ക് സൈറ്റിൽ നിന്നും മൊബൈൽ ഫോണും, പണവും മോഷ്ടിക്കുകയും കൂടാതെ ചേലാട് മിനിപ്പടിയിൽ നിറുത്തിയിട്ടിരുന്ന പിക്കപ്പ് വാനിൽ നിന്നും പണം അടങ്ങിയ ബാഗും മോഷണം നടത്തിയ കേസിലെ പ്രതികളാണ് ഷാഹുൽ ഹമീദും, അൽത്താഫും. ഊഞ്ഞപ്പാറയിലെ ഒരു വീട് കുത്തി തുറന്ന് പണവും, ഗ്രഹോപകരണങ്ങളും മോഷണം ചെയ്ത കേസിലെ പ്രതികളാണ് ബേസിലും, അപ്പുവും, കോടതിയിൽ ഹാജരാക്കിയ ഇവരെ റിമാന്‍റ് ചെയ്തു. അന്വേഷണ സംഘത്തിൽ എസ്.ഐ മാരായ ആൽബിൻ സണ്ണി, എം.എം.റജി, മാർട്ടിൻ, എം.റ്റി.റജി, എ.എസ്.ഐമാരായ സലിം, ദേവസി, എന്നിവരാണ് ഉണ്ടായിരുന്നത്.
