വടവുകോട്, കടയിരുപ്പ് സർക്കാർ ആശുപത്രികളിൽ ഡോക്ടറുടെ സേവനം ഇനിമുതൽ വൈകീട്ട് 6 മണി വരെ
ബ്ലോക്ക് പ‍‍ഞ്ചായത്തിന്റെ കർമ്മപദ്ധതിയിൽ ഉൾപ്പെടുത്തിയാണ് സാമൂഹ്യ ആരോഗ്യ കേന്ദ്രങ്ങളിൽ ഡോക്ടറുടെ സേവനം ലഭ്യമാക്കിയിരിക്കുന്നത്
കോലഞ്ചേരി:വടവുക്കോട് ബ്ലോക്ക് പഞ്ചായത്തിന് കീഴിലുള്ള വടവുകോട്, കടയിരുപ്പ് സർക്കാർ ആശുപത്രികളിൽ ഇനിമുതൽ ഡോക്ടറുടെ സേവനം വൈകീട്ട് ആറു മണിവരെയുണ്ടാകും.സാധാരണ ഉച്ചയ്ക്ക് ഒരു മണിയ്ക്ക് അവസാനിച്ചിരുന്ന ഒ പി സേവനം ഉച്ച കഴിഞ്ഞ് ആറ് മണിവരെയാണ് നീട്ടിയിരിക്കുന്നത്.ഉച്ചയ്ക്ക് ശേഷമുള്ള ഒ പിയിൽ മറ്റൊരു ഡോക്ടറെയാണ് നിയമിച്ചിരിക്കുന്നത്.ബ്ലോക്ക് പ‍‍ഞ്ചായത്തിന്റെ കർമ്മപദ്ധതിയിൽ ഉൾപ്പെടുത്തിയാണ് സാമൂഹ്യ ആരോഗ്യ കേന്ദ്രങ്ങളിൽ ഡോക്ടറുടെ സേവനം ലഭ്യമാക്കിയിരിക്കുന്നതെന്ന് ബ്ലോക്ക് പഞ്ചായത്ത് പ്രസിഡന്റ് റസീനാ പരീത് അറിയിച്ചു.
ഇതിന്റെ ഉദ്ഘാടനം ബ്ലോക്ക് പ്രസിഡന്റ് റസീന പരീദ് നിർവഹിച്ചു . ബ്ലോക്ക് പഞ്ചായത്ത് ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ ടി ആർ വിശ്വപ്പൻ അധ്യക്ഷത വഹിച്ചു,മെഡിക്കൽ ഓഫീസർ ഡോ. അനീഷ് ബേബി, മെമ്പർമാരായ ജോണി പി പി, രാഖി പി എസ്, ജയചന്ദ്രൻ കെ സി, ഓമന നന്ദകുമാർ,ഐക്കരനാട് പ‍ഞ്ചായത്തംഗം രജനി പി ടി, ബ്ലോക്ക് ക്ഷേമ കാര്യ സ്റ്റാൻഡിങ് കമ്മിറ്റി രാജമ്മ രാജൻ എന്നിവർ പങ്കെടുത്തു. ഞായറാഴ്ച്ച ഒഴികെയുള്ള ദിവസങ്ങളിലാണ് ഡോക്ടറുടെ സേവനം ലഭ്യമാവുക.
