ബാലരാമപുരത്ത് സ്കൂൾ ബസിന് പിന്നിൽ മിനി ലോറി ഇടിച്ച് വിദ്യാർത്ഥികൾക്ക് പരിക്ക് പറ്റി. ആരുടെയും പരിക്ക് ഗുരുതരമല്ല. നെല്ലിമൂട് സ്റ്റെല്ലാ മേരി എൽപി സ്കൂളിലെ വിദ്യാർത്ഥികൾക്കാണ് പരിക്ക് പറ്റിയത്. ഇന്ന് രാവിലെ സ്കൂളിലേക്ക് വരുന്നതിനിടയിലായിരുന്നു സംഭവം.നിർത്തിയിട്ടിരുന്ന ബസിന് പിന്നിലേക്കാണ് തമിഴ് നാട്ടിൽ നിന്നും വന്ന ലോറി വന്നിടിക്കുന്നത്.
ലോറിയുടെ മുൻ ഭാഗത്ത് ചെറിയ തകരാർ സംഭവിച്ചിരുന്നു. ലോറി ഡ്രൈവറുടെ രണ്ട് കാലുകൾക്കാണ് പരിക്കുളളത്. ലോറിയിൽ കുടുങ്ങി കിടന്ന ഡ്രൈവറെ നാട്ടുക്കാർ ചേർന്നാണ് രക്ഷപ്പെടുത്തിയത്. സ്കൂൾ ബസിലെ പിൻ ഭാഗത്ത് ഇരുന്ന എട്ട് കുട്ടികൾക്ക് പരിക്ക് ഏറ്റു. സമീപത്തുളള ആശുപത്രിയിലേക്ക് കുട്ടികളെ പ്രവേശിപ്പിച്ചിട്ടുണ്ട്. കുട്ടികളുടെ പരിക്ക് ഗുരുതരമല്ല.
